Bílabúð Benna hefur virkjað viðbragðsáætlun og tekið upp nýjar verklagsreglur í starfsemi sinni í samræmi við ráðleggingar Sóttvarnalæknis og Almannavarnadeildar ríkislögreglustjóra.
Reglurnar gilda fyrir starfsfólk og starfsstöðvar okkar og skiptist annarsvegar í almennar reglur gagnvart viðskiptavinum og hinsvegar sértækar reglur sem lúta að verklagi starfsfólks. Áætlunin hefur verið kynnt fyrir starfsfólki.
Regluleg sótthreinsun á húsnæði og bílum
Regluleg sótthreinsiþrif hafa verið tekin upp á Þjónustuverkstæði Bílabúðar Benna. Allir bílar viðskiptavina eru nú sótthreinsaðir á snertiflötum, bifvélavirkjar nota einnota hanska við störf og allir helstu snertifletir sótthreinsaðir að þjónustu lokinni. Þá er þess sérstaklega gætt að stýri, gírstöng, gólf og sæti séu ekki óvarin á meðan að á þjónustu stendur. Loks eru bíllyklar viðskiptavina sótthreinsaðir fyrir og eftir þjónustuskoðun.
Sótthreinsaður reynsluakstur
Sérstakar verklagreglur hafa verið teknar upp hjá starfsfólki Bílabúðar Benna þegar um reynsluakstur er að ræða. Þær lúta að reglulegum sótthreinsunum á öllum snertiflötum bílsins, sem og bíllyklum, fyrir og eftir reynsluakstur.
Opnunartímar sýningarsala
Hefðbundnir opnunartímar eru í gildi á öllum starfsstöðum Bílabúðar Benna. Við bendum einnig á að hægt er að hafa samband við fyrirtækið í síma 590-2000 og með tölvupósti á benni@benni.is.
